വേറൊരു ജീവിതം- Gopika Suresh - First BA Economics

ശൂന്യമായി ത്തീർന്ന ആ വീട്ടിൽ
വിഷാദമെന്ന  ഒരേ വികാരത്തെ
മാത്രം കൂട്ട് പിടിച്ചു കൊണ്ട്
അവൾ ജീവിതം വീണ്ടും തുടങ്ങി.
വന്ധ്യമായിരുന്ന വർഷങ്ങളിലെ
നീണ്ട തടവിനു ശേഷം
ഒന്നും ചെയ്യാന്നില്ലാതെ
അവൾ അവളുടെ തന്നെ
തലയിണകളുടെ കാമുകി -
- യായി മാറി.

പണ്ടൊരിക്കലും അവൾക്കി -
ല്ലാതിരുന്ന സമയം ഇപ്പോൾ
എങ്ങനെ ചെലവാക്കണ -
മെന്നറിയാതെ
മരിച്ചു പോയ അവന്റെ
തുണികളിൽ ബട്ടണുകൾ
തുന്നിചേർത്തും, വീണ്ടും
വീണ്ടും ഇസ്തിരിയിട്ട്
അവ വെടിപ്പാക്കി സൂക്ഷിച്ചും
സമയം പാഴാക്കി.
ഏതു നിമിഷവും ഒരു മുന്നറിയിപ്പ്
പോലുമില്ലാതെ ആ മനുഷ്യൻ
മരണത്തിൽ നിന്ന് കയറി
വന്നാലോ എന്ന് കരുതി
അവൾ അങ്ങോർക്കായ്
ഊണ് മേശ ഒരുക്കി വെച്ചു
കുളിമുറിയിൽ സോപ്പ് വെച്ചും
അയാളുടെ മുദ്ര വെച്ച തലയണ
ഉറ മാറ്റിയിട്ടും അവൾ
ആ ഏകാന്ത നിമിഷത്തെ
തള്ളി മാറ്റി.

ലോകത്തെ തന്നെ
കീഴടക്കുവാനായി
അവൾ തന്നെ പറഞ്ഞു വിട്ട
ഈ മനുഷ്യൻ അന്ത്യ-
നിദ്രയിലേയ്ക്ക് വീടുവിട്ടി-
റങ്ങുന്നത് അവൾ നോക്കി നിൽക്കുമ്പോൾ
ഇനിയൊരിക്കലും അയാൾ
മടങ്ങിവരില്ലെന്ന ഭീതി
അവളെ മൂകയാക്കി.
പ്രണയം അങ്ങനെയൊ -
ന്നുണ്ടെങ്കിൽ അത്
വേറേയാണ്.
വേറൊരു ജീവിതം'

   - ഗോപിക സുരേഷ്

(I B.A Economics)